Concurso: Canto sabes da biblio?

 

Préstamo activo na biblio da EOI

 

PRÉSTAMO ESPECIAL DE VERÁN

Se che gusta o verán e as lecturas na praia, entón estás de sorte, porque abrimos o Préstamo especial de verán na última semana de maio e a primeira de xuño en horario reducido.

Achégate á biblioteca e leva unha bolsa co logo da Escola e os teus libros favoritos, dos que poderás gozar durante todo o verán.

Aproveita o tempo extra de préstamo!

GAÑADORAS CUESTIONARIO DÍA MUNDIAL DO TEATRO

Velaquí as gañadoras do cuestionario multilingüe co que celebramos o Día Mundial do Teatro. As premiadas escolleron unha lectura como premio, da que esperemos que gocen. Parabéns!

Es usuario/a da biblioteca? Gústaríache axudanos a mellorar o seu funcionamento? Responde a esta enquisa antes do 31 de maio. Preme na ligazón para completar o formulario.

REVOLUÇÃO DE 25 DE ABRIL

Revolução de 25 de Abril: aproveita a data de hoxe para mergullarte nas lecturas, bandas deseñadas, música e filmes que temos a disposición sobre este momento histórico. Atoparalas diante da biblioteca🌹

FELIZ DÍA DO LIBRO!

Hoxe desexámosvos un feliz Día do Libro, como non podía ser doutro xeito, cunha bibliorrecomendación en italiano. Atopades "La portalettere" na nosa biblioteca. Grazas, Susi!

As vosas bibliorrecomendacións tiveron premio. Parabéns!

SELFIES LINGÜÍSTICOS GAÑADORES

Compartimos os "selfies" gañadores cos seus autores/as recibindo o vale para gastar nunha librería local. Que mellor agasallo agora que se achega o Día do Libro 📚 Parabéns!

CUESTIONARIO MULTILINGÜE DE TEATRO

No Día do Teatro tamén queremos propoñervos un cuestionario sobre o teatro nas 6 linguas que se estudan na escola. Escolle a túa lingua de estudo e responde as preguntas. Tes ata o 10 de abril para deixar a túa participación na urna que está diante da biblioteca.

Haberá un gañador de cada lingua e o premio é un libro da túa elección por un valor de ata 25€.

Pon a proba os teus coñecementos teatrais!

Podes ver as preguntas aquí:

- Cuestionario en alemán

- Cuestionario en francés

- Cuestionario en galego

- Cuestionario en inglés

- Cuestionario en italiano

- Cuestionario en portugués

PROXECTO COLABORATIVO DE LECTURA: SECCIÓN VALLE INCLÁN E O C.E.I.P. A XUNQUEIRA 2

Festexamos o Día do Teatro cun proxecto de colaboración entre a Sección do Valle Inclán da EOI de Pontevedra e o C.E.I.P A Xunqueira 2. 

Os dos centros continuaron un ano máis coa colaboración: Storytelly project "Every student has a voice"). Desta volta dramatizaron as súas lecturas en inglés. A nivel lingüístico o teatro é un xénero que ten moito que aportar na aprendizaxe de linguas. Onte, mércores 26 foi o gran día, cando o ensaiado veu a luz e se puxo en común. Pequenos e grandes compartindo escenario e aprendizaxes grazas ao teatro 🎭 Feliz día!