II Concurso Selfie Lingüístico

Sabes que é un selfie lingüístico? Refrescámosche a memoria coas participacións de hai un par de anos:

Trátase dun concurso de 'selfies' que retraten unha frase feita/dito ou refrán na lingua de estudo do alumnado. Haberá seis categorías, unha por lingua e o premio para cada unha delas é un vale de 20€. O xurado estará integrado polo profesorado de cada Departamento e valorarase calidade, creatividade e orixinalidade . A data límite para participar é o venres, 28 de febreiro e as participacións envíanse a: plambe@eoipontevedra.org

Podes consultar as bases aquí e descargar o modelo nestoutra ligazón.

LECTURA DE "ANTÍGONA" EN INGLÉS

Gústache o teatro clásico? A antiga Grecia deixounos algunhas das obras mestras deste xénero. 

Este ano imos ler Antígona para, posteriormente, compartir as nosas impresións nunha xuntanza o 27 de febreiro. O texto é adecuado para alumnado dos niveis B2-C2. Atopades toda a información neste cartel:

PRÉSTAMO ESPECIAL DO NADAL E TROCA SOLIDARIA

 Aproveita estas datas para explorar os fodos da nosa biblio!

Recorda tamén que esta semana seguimos recollendo doazóns para o Comedor Social de San Francisco. Xa viches o posto de libros que temos na entrada?

QUE LIBROS QUERES PARA A NOSA BIBLIO? FAINOS SUXESTIÓNS

Achéganse datas sinaladas e estamos pensando tamén en novas adquisicións para a biblioteca escolar. Queremos que contar coa opinión do alumnado, así que non o dubides e fainos chegar as túas suxestións. Recorda que teñen que ser títulos (libros, DVDs ou outros recursos) en calquera das nosas linguas de ensino: alemán, francés, galego, inglés, italiano e portugués. Podes usar a seguinte ligazón.

LECTURAS SOLIDARIAS

Este curso volvemos organizar unha recollida de alimentos para o Comedor Social de San Francisco.

Para comezar, pedímosvos que doedes as vosas vellas lecturas entre o 26 de novembro e o 9 de decembro. 

Bule e deixa as túas vellas lecturas en conserxería!

TEMPO DE BIBLIORRECOMENDACIÓNS

Precisámosvos! Para darlle vida á nosa biblio queremos que nos faledes das vosas lecturas en forma de bibliorrecomendacións. Publicaremos ao longo do curso os vosos vídeos e ao final sortearemos un agasallo entre os participantes.

Quen mellor para abrir esta serie de bibliorrecomendacións ca a nosa compañeira de francés, agora alumna, Sonia Rodríguez, quen nos visitou na propia biblio e nos falou da súa última lectura en inglés.

Estás listo para ser un biblio-influencer? Só precisas mandar un pequeno vídeo en galego ao enderezo: plambe@eoipontevedra.org  indicando o teu nome e apelidos, indicando que cursas e quen é o teu docente. Non esquezas mencionar o título, para quen é indicado, de que trata e a túa valoración como lector.

Agardamos os teus vídeos!

VELAQUÍ OS/AS GAÑADORES DE COÑECE A BIBLIO

Desta volta houbo grande participación na actividade. Mil grazas a todos, profesorado e alumnado pola implicación.

Aquí vos deixamos os/as premiados 👏

COÑECE A BIBLIO! A NOSA PRIMEIRA ACTIVIDADE

Se xa es un experto usuario da biblioteca, esta non gardará segretos para ti. Se pola contra es novo na escola, tes moito que descubrir. Por que non comezar polo cuestionario que atoparás diante na biblioteca? Colle un formulario na túa lingua de estudo e insíreo na urna. Haberá algún que outro agasallo!

 Sexas veterano ou "novato", achégate á biblio e demostra cando sabes dela! 📚 

Este ano o lema das bibliotecas escolares é "Biblioteca escolar. A escena!". Xa que logo, o teatro centrará a nosa atención. 

Esperamos poder ampliar os nosos fondos dese xénero ao longo do curso. Atréveste a descubrir as obras que xa temos dispoñibles?

Pontevedra é unha cidade que conta con moita oferta cultural en canto a teatro se refire. Nestes momentos está en marcha a 2ª Mostra de Teatro de Barrio, obras para as que podes atopar entradas aquí.

Por outra banda, en outubro e novembro, haberá unha nova edición do Ponteatro (comeza o 10 de outubro). Podes atopar máis información sobre o programa aquí.

BENVIDA DA BIBLIO AO CURSO 24-25!

Esperamos que disfrutarades das vosas lecturas estivas. Estamos de volta!

Desde o 23 de setembro podes visitarnos e levar préstamos. Aquí podes consultar o horario de préstamo.

Non esquezas devolver os libros que tiveches prestados durante o verán.

Xa estamos argallando actividades para este curso, así que permanecede atentos ao blog e as nosas redes sociais.

GAÑADORAS DE "UNS PARRULOS MOI CÓMICOS"

Na última actividade proposta pola biblioteca tivemos participantes en inglés, francés e portugués. Moitas grazas por darlles voz aos parrulos. Se premedes na imaxe, poderedes ver todas as participacións, así como as que gañaron.

Velaquí a gañadora de inglés, de Lola Fontán, alumna de C1.2:

Aquí tedes á gañadora de francés, de Laura Campos, alumna de B2.2:

Finalmente, aquí temos á gañadora de portugués, de Beatriz Chamadoira, alumna de C1.

As premiadas recibiron un vale de 20€ para mercar as súas lecturas do verán nunha librería local. Parabéns!!

Foi un ano intenso de banda deseñada. Se quedastes con ganas de máis, recomendámosvos que pasedes polo Bdra Gráfica, cuxa segunda edición terá lugar entre o 27 e o 30 de xuño. Tedes máis información na seguinte ligazón.