GAÑADORAS DE "UNS PARRULOS MOI CÓMICOS"

Na última actividade proposta pola biblioteca tivemos participantes en inglés, francés e portugués. Moitas grazas por darlles voz aos parrulos. Se premedes na imaxe, poderedes ver todas as participacións, así como as que gañaron.

Velaquí a gañadora de inglés, de Lola Fontán, alumna de C1.2:

Aquí tedes á gañadora de francés, de Laura Campos, alumna de B2.2:

Finalmente, aquí temos á gañadora de portugués, de Beatriz Chamadoira, alumna de C1.

As premiadas recibiron un vale de 20€ para mercar as súas lecturas do verán nunha librería local. Parabéns!!

Foi un ano intenso de banda deseñada. Se quedastes con ganas de máis, recomendámosvos que pasedes polo Bdra Gráfica, cuxa segunda edición terá lugar entre o 27 e o 30 de xuño. Tedes máis información na seguinte ligazón. 

PRÉSTAMO ESPECIAL DE VERÁN

Durante as 3 primeiras semana de xuño (do día 3 ao 21) teremos dispoñible un servizo de préstamo expecial a través do cal o alumnado pode levar de 1-3 libros e gozar deles todo o verán. Ademais, con cada préstamo, agasallaremos ao alumnado cunha bolsa-mochila.

Consultade o calendario de préstamo na web e na biblioteca. O servizo funcionará os martes e xoves, dúas horas pola mañá e dúas pola tarde.

UNS PARRULOS MOI CÓMICOS

Anímate a participar nesta actividade que pon a proba a túa imaxinación e dotes lingüísticos. Que andarán a argallar estes parrulos? Consulta as bases e as tiras cómicas dispoñibles na seguinte ligazón. 

GAÑADORES DO CONCURSO "UNHA ESCOLA EN VIÑETAS"

O noso alumnado non deixa de sorprendernos. Tras as deliberacións do xurado composto por persoal docente e non docente da Escola, aquí vos deixamos o resultado.

Daniel Gaiteiro, alumno de portugués, acadou o primeiro premio:

Velaquí a súa banda deseñada, inspirada por unha anécdota das súas aulas:

O segundo premio recaeu en Miryam Toro, alumna de galego:

O seu cómic deulle protagonismo ás pombas, no seu tentativo de aprender algo coas nosas clases:

Parabéns polo voso traballo e creatividade!

GAÑADORES/AS DO CONCURSO "DECLÁRALLE O TEU AMOR AO CÓMIC DA TÚA VIDA" E OUTRAS NOVAS

O pasado 10 de marzo tivo lugar a troca de libros na que participaron varios centros educativos de Pontevedra, entre eles, a Escola Oficial de Idiomas. Pola nosa mesa pasaron pequenos e grandes, que puideron atopar libros en varias linguas.

Tamén en marzo, comunicámoslle a Elena Santillana, alumna de C2 de francés que fora a gañadora do concurso "Decláralle o teu amor ao cómic da túa vida". Ela xa gozou do seu xantar. Ademais, tamén houbo un pequeno agasallo relacionado coas súas linguas de estudo para alumnado das diferentes linguas para premiar a súa participación. Aquí os tedes:

Este ano vai de banda deseñada e, para celebralo, recibimos a Kiko da Silva na EOI para facer un percorrido pola historia da banda deseñada. Encantounos todo o que nos contou para achegarnos este xénero. Aquí o tedes en acción.

Por último, tamén co gallo do lema das bibliotecas escolares deste ano, a EOI convocou un concurso de banda deseñada. Os participantes debían presentar unha proposta na que a historia tivera lugar na propia escola, atendendo as seguintes bases. Rematado xa o prazo de entrega, axiña saberemos quen gañaron as clases de pintura. Estade atentos!

TROCA DE LIBROS! 📚

Por segundo ano participaremos na Troca de Libros que organiza o IES Torrente Ballester. Aquí podedes ver que outros centros van estar presentes.

O funcionamento é moi simple. Só tes que traer un libro á conserxería da escola e recibirás un vale para ir á troca o 10 de marzo. Alí, poderás intercambialo por un libro de calquera dos centros participantes.

Anímate a participar para renovar as túas lecturas e darlle unha nova vida aos libros que xa liches.

O CÓMIC DA TÚA VIDA E FONDOS DE BANDA DESEÑADA

E ti... es máis de Batman ou de Spiderman? 

Todos temos algún recordo dun cómic ou dunha personaxe de banda deseñada que nos marcou por algún motivo. Gustaríanos traerche de volta eses recordos e que os compartas connosco tamén. Propoñémosche a seguinte actividade! Os/as participantes entrarán no sorteo dun xantar para dous (romántico ou non, ti decides). Atoparás unha urna a carón da biblioteca e as tarxetas para participar ao lado da mesma. 

Se non tes un personaxe favorito ou un cómic predilecto, de seguro atoparás un título que esperte a túa curiosidade entre os fondos da nosa biblio. Preme na imaxe de abaixo para botarlle un ollo ao noso catálogo de banda deseñada. Este ano os diferentes departamentos da Escola adquirirán novos fondos de banda deseñada, xa que é o xénero no que se centran os proxectos da Biblioteca Escolar, así que estade atentos.

LECTURAS SOLIDARIAS, PRÉSTAMOS ESPECIAL DE NADAL E "PICASSO PROTAGONISTA"

Este mes de decembro vén cargadiño de actividade na escola e, desde a biblioteca, tamén temos varias propostas.

Poderás trocar un alimento por un libro ata o 21 de decembro incluído. Os alimentos recollidos serán doados ao Comedor Social de San Francisco.

Tamén temos en marcha o préstamos especial de Nadal. É dicir, podes levar materiais prestados e devolvelos á volta das vacacións. Ademais, poderás levar unha bolsa de tea de agasallo para acompañar as túas lecturas.

Por último, xa temos plans para o 2024. O 8 de xaneiro, de 11:30 a 13:00, temos unha cita no Café Moderno, onde Afundación nos ofrece unha visita guiada da exposición "Piccaso protagonista", seguida por un obradoiro de banda deseñada dixital.

Desexámosvos boas festas e boas lecturas!

GAÑADORES/AS DA "SPOOKY STORY COMPETITION"

Poñémoslle cara aos gañadores/as dos relatos de medo. Esperamos que lles gustara o agasallo. A activiade foi un éxito de participación e funcionou moi ben ao poder introducila na aula coa axuda do noso lector escocés, Kasym.

VEN COÑECER A BIBLIO

 Poñémoslles casa aos gañadores/as do noso cuestionario de formación inicial da biblioteca. Temos representación de diferentes linguas.