Un curso máis a nosa biblio abre as súas portas para que os lectores máis ávidos poidan gozar dos nosos fondos.
Desde o luns 25 de setembro poderedes levar materiais prestados. Recordade que para préstamos temos un horario de atención en base ás gardas do profesorado, mentres que para devolucións temos un buzón onde podedes depositar o que precisedes devolver. Desexámosvos un curso moi rico lecturas e aprendizaxes!
O noso proxecto do PLAMBE deste curso culminou na publicación da nosa propia revista de moda bilingüe. Grazas ao alumnado de C1 de galego e de C1.2 e B1 de inglés por facela posible. Podedes acceder a ela na seguinte ligazón.
Chegou o momento de poñerlles cara aos nosos gañadores/as do I Concurso de selfie lingüístico. Noraboa!
O alumnado de A2 de inglés estivo a traballar arredor do tema do PLAMBE, a vestimenta e a moda. Como proxecto, elaboraron o seguinte video-dicionario. Ben feito!
Es alumno de avanzado de inglés e non tes lectura para as vacacións? Achégate á biblio e leva un exemplar de National Geographic. Grazas a unha doazón, temos agora unha colección desta fantástica revista.
A EOI de Pontevedra convoca un concurso para por a proba o voso enxeño.
Trátase dun concurso de 'selfies' que retraten unha frase feita/dito que teña que ver coa vestimenta/moda ou refrán na lingua de estudo do alumnado. Haberá seis categorías, unha por lingua e o premio para cada unha delas é un vale de 20€. O xurado estará integrado polo profesorado de cada Departamento e valorarase calidade, creatividade, orixinalidade e relación co tema do concurso. A data límite para participar é o venres, 21 de abril e as participacións envíanse a: plambe.eoipontevedra@gmail.com
Podes consultar as bases aquí e descargar o modelo nestoutra ligazón.
Xa nos despedimos do entroido por este ano, pero para o recordo quedarán as fermosísimas máscaras que elaborou o alumnado de italiano nun obradoiro dirixido polas súas profesoras. E xa que unha imaxe vale máis ca mil palabras, aquí vos deixamos un vídeo do proceso e os produtos finais:
Finalmente, grazas ás vosas doazóns e compras no mercado solidario de Nadal puidemos recadar 459,20€, que xa foron parar ao Comedor Social de San Franscisco.
Moitas grazas por facelo posible.
Desde a biblioteca desexámovos unha boas festas cheas das mellores lecturas. Para iso, pomos en marcha o préstamo especial de Nadal. Leva para a casa as túas lecturas e non te preocupes por devolvelas ata que volvamos das vacacións. Vémonos en xaneiro!
